ចាប់ខ្លួនពូថ្លៃ បន្ទាប់ពីនាំក្មួយស្រីថ្លៃទៅបេះផ្កាចាប់រំលោភនាងរហូតបានសម្រេច
25-August-2016 | ដោយ មែន កំសត់
ខេត្តកំពង់ស្ពឺ ៖ បុរសម្នាក់ត្រូវបានសមត្ថកិច្ចចាប់ខ្លួនកាលពីវេលាម៉ោង១១ព្រឹក ថ្ងៃទី២៤ ខែសីហា ឆ្នាំ២០១៦ បន្ទាប់ពីបុរសរូបនេះបាននាំក្មួយស្រីថ្លៃទៅបេះផ្កានៅលើឧទ្យានជាតិគិរីរម្យ តែបែរជាចាប់រំលោភនាងរហូតបានសម្រេចទៅវិញ ។
ប្រភពពីនគរបាលស្រុកភ្នំស្រួចបានឲ្យដឹងថា ជនសង្ស័យដែលត្រូវចាប់ខ្លួនឈ្មោះ ស៊ឿន រ៉ា អាយុ៣១ឆ្នាំ មុខរបរប៉ផ្កាលក់ មានប្រពន្ធ និងមានកូន៣នាក់រួចទៅហើយ រស់នៅភូមិថ្មី ឃុំចំបក់ ស្រុកភ្នំស្រួច ចំណែកក្មេងស្រីរងគ្រោះអាយុ១១ឆ្នាំ ត្រូវជាក្មួយស្រីខាងប្រពន្ធរបស់ជនសង្ស័យ ។
ប្រភពបានឲ្យដឹងទៀតថា មុនពេលកើតហេតុជនសង្ស័យបាននាំក្មេងស្រីរងគ្រោះទៅបេះផ្កានៅចំណុចភ្នំបៃតងនៅឧទ្យានជាតិគិរីរម្យ ខណៈដល់កន្លែងស្ងាត់ស្រាប់តែជនសង្ស័យបានធ្វើសកម្មភាពចាប់រំលោភរហូតបានសម្រេចតែម្តង ។
សមត្ថកិច្ចបញ្ជាក់ថា ក្រោយពីទទួលបានព័ត៌មានថាមានការចាប់រំលោភ ក៏ធ្វើការស្រាវជ្រាវរហូតចាប់ខ្លួនជនសង្ស័យបញ្ជូនមកកាន់អធិការដ្ឋាននគរបាលស្រុកភ្នំស្រួច ដើម្បីសួរនាំ និងចាត់ការតាមនិតិវិធីច្បាប់ ៕
ចំនួនអ្នកទស្សនា
- ថ្ងៃនេះ10791
- ម្សិលមិញ11441
- សប្តាហ៍នេះ40621
- ខែនេះ155771
- ឆ្នាំនេះ155771
- សរុប20598227